Piyaas - By Danish Jaffri

Mera Mann jise itna chahta hai

Dil me hote bhi pas ji bulata hai

kaan thakte nhi baat sunte sunte bhi

dil phir bhi mera tashnah reh jata hai

woh meri pari, khayal jiska ata hai

sanson se uski dil mera dharakta hai

ansoo uska meri rooh tarpa deta hai

zakhm aisa k dard barhta jata hai

By Danish Jaffri

Be bas - By Danish Jaffri

Honton pe baat aye to kia karoon

koi itna yaad aye to kia karoon

dil kehta hai usko ik lamhe ko dekh lo

lekin woh lamha na aye to kia karoon !

By Danish Jaffri

Shikwa - By Danish Jaffri

Humien hi kaid kya, hum hi se kaam lya
Arz-e-Shikwa jo kya, humien badnaam kya

Is ghar ki diwaarein, karti hain kaid mujh ko
Ik panchhi jo ura, usse bhi bandh lya

Hawain chalti hain, tufaan aate hain
Chaman mein phir bhi , phool khilte hain

Hawaon rukh na moro, ye Arzo hai meri
Ke phool mere bhi, chaman mein khilte hain

By Danish Jaffri

Tanhai - By Danish Jaffri

Gharz hai mujh ko sirf tanhai se
Ke kaam karta hun sirf tanhai mein

Tanha rehne nhi deti tanhai ye
Ke saathi mil gaya hai mujhe tanhai mein

Waqt rukta nhi meri tanhai mien
Hota hun mein masroof tanhai mein

Woh aur nhi koi sirf tu hi hai Khuda
Jo deta hai saath mera, meri tanhai mein

By Danish Jaffri

Meri Ummat - By Danish Jaffri

Meri ummat aise khwabon mein kahin kho gayee
Jinhe khwabon mein bhi main haqeeqat tasawur na karoon

Inhe samjhai ye kon, inhe batlai yeh kon
Humien talwaron ki nhi qalm ki zaroorat hai abhi

Socho to zara, koi karta nhi madad unki
Jo karte nhi madad apni, sunta nhi Khuda unki

Jo qaumien so gayeen unhe to mitna hi tha!
Hum jag k bhi so gaye , yeh qasoor kis ka hai?

Khud kafeel itne bano koi tumhe dhamkai kese?
“khudi” peda to karo , raah niklein gee kese?

By Danish Jaffri

Tamana - By Danish Jaffri

Zehen me jab khayal tera ata hai
Dil aik khwab mein doob jata hai

Har saans, har dhadkan naam leti hai
Dil phir bhi teri awaz ko hi piyasa hai

Piyas meri yeh kabhi bujh na sake
Kaan awaz se teri kabhi thak na saken

Qabool iltijah rab se bas yeh ho jai
Mera wajood teri zaat mein zam hojai

By Danish Jaffri